ازيكم يا بنات ^_^

يارب تكون كويسين مع خطابكم

النهاردة عايزة اتكلموا معاكم فى مواضيع كتير وبالذات للى خطابهم عصبيبن

علشان انا بعانى من نفس المشكلة بس الحب ولع فى الذرة يابت وعلشان كده المفروض نستحمل

بصى ياقمر منك ليها لو خطيبك من النوع ده لازم تتجنبى اى حاجة منه مثلا لو بيتعصب من هزارك مع حد تتجنبى الحكاية دى

لو قالك متتكلميش مع ده او ده تتجنبى علشان الراجل العصبى بيبقى غيور اوى كمان وبيغيرته ممكن يتعصب عليكى

وهتيجى على دماغك انتى

بصى بقى يا شابة منك ليها بتتكلموا عادى زى ما بتتكلموا هتلاقيه هيتعصب تسيبه خالص يقول اللى هو عايزه

ومتتكلميش خالص حتى لو الكلام حيزعلك ليه بقى

علشان لو اتكلمتى هيقلب الغلط عليكى انتى بمعنى هتكونى انتى الغلطانة يعنى ولا تتعصبى ولا تتكلمى خليكى باردة

وحطى اعصابك فى تلاجة ده حل

والحل التانى ان انتى ممكن تقوليله يا حبيبى لما تهدى نبقى نتكلم او تقولى اى حجة تانية مثلا ماما بتنادى علية

المهم انك تقفلى معاه وخلاص علشان تتفادى المشكلة اللى جاية

بعد كده لما يهدى تبقوا تتكلموا براحتكم بس اهم حاجة تتفادى وقت عصبيته

1- متعليش صوتك ومتزعقيش

2- متتعصبيش عليه

3- متتناقشيش مع كتير وهو متعصب

4- لو سمعتى كلمة زعلتك ولا كأنك سمعتى حاجة استنى لحد ما يهدى خالص وبعد كده نأخد حقنا

زى مابيقولوا منتطرقش على الحديد وهو سخن

دى وهو متعصب

الصراحة

لو الصراحة مبنية مابينكم حترتاحوا اوى وبمعنى الأدق الوضوح

الوضوح فى العلاقة يعنى ان انتم متخبوش حاجة على بعض

بس مش معنى كلامى ان كل حاجة تقوليها

اكيد فهمتوا انا قصدى ايه واللى مش فاهم يقولى وانا هافهمه

وكمان لو خطيبك صارحك بحاجة متعلقيش المشنقة وانت عملت كده ليه وازاى

والكلام ده حتى لو اضايقتى احترمى صارحته وان هو قالك بدل ماكان خبئ عليكى كنتى حتزعلى اكتر

أقل كلمة قوليله انا احترمت صارحتك معاية وياريت متعملش كده تانى يعنى تأكليه بالكلام

بدل ماتخليه يندم ان هو قالك 

يلا يا بنات لو عجبكم موضوع شجعونى علشان اكمل

مع الاجزاء الباقية

عن المخطوبة

وازاى تتقلى عليه بالطريقة الصح مع التقل صنعة

واللى خطيبها بخيل

واللى خطيبها بتاع بنات

اللى خطيبها مش بيغير عليها

واللى خطيبها متحكم

كل ده حنتكلم فيه لو لا قيت تشجيع

وياريت تقييمه علشان الموضوع يتثبت والبنات تستفيد

في بداية الخطوبة

جددي من نفسك

الحموات

عينه زايغة

الراجل المتحكم

الرجل المدخن

الاهتمام 

الثقة بالنفس

المصدر:مواقع ومنتديات