تعالي علمي علي حماتك بطريقه جهنميه ذكيه شيطانيه
حماتك ... حماتي ... حماتنا كلنا ...اللي عندها حماة سكر و زي العيل من عينة ماري منيب .. تعالي اقولك
بصي بقي لو حماتك كل ما تشوفك تعيب علي حاجة انتي لابساها او اولادك لابسينها
تقوليلها و الله قلت لفلان كدة ( اللي هو ابنها حبيبها ) بس هو اللي صمم يشتريه و كان عاجبه ..
خلصت خلتيها تتريق علي ذوق ابنها حبيبها ..
لو كل عيد ميلاد ليكي او مناسبة تنكد عليكي بهدية ملهاش
لازمة او تجيبلك حاجة و تديهالك في الشارع او تختار
لك مخصوص حاجة ذوقها مش خلو و رخيصة جدا و
انتي عارفة ان ذوقها و مستواها مش كدة ....
بسيطة اولا الابتسامة العريضة اللي تحرق الدميخليكي ليه يارب كنت هاموت و اجيبها مش عارفة منين
لو حبيتي تزودي شوية تقوليها قلبت عليها المولات قالولي
مش هتلاقيها غير في العتبة او قولي اسم اي مكان من النوعية دي ...
ثانيا : في عيد ميلادها تهتمي جدا بهديتها يعني تختاري
لها هدايا من نوعيه كريم للبشرة ضد عوامل الشيخوخة
اوكتاب عن تقبل الذات في فترة سن الياس او لو عندها حساسية هاتيلها برفان ريحته نفاذة جدا
...او لو شايفة نفسها اوي من نوعية اللبس و الاكسسوارات
هاتيلها حاجة وهمية لرجلها بس كعبها دبوس او هاتيلها
عقد شيك جدا بس قصير و انتي عارفه انه مش هيبان من الايشارب ...
لو حماتك مادية و بتقلب جوزك انه يبخل عليكي ...
قبل ما تلفي هدية عيد ميلادها و طبعا شايلة من عليها
تكت السعر حطي تكت اي حاجة تانية رخيصة جدا مكانه حاجة تبقي ب٣٠-٤٠ جنيه
و انتي عارفة ان جوزك دافع مش اقل من ٢٠٠-٢٥٠ جنيه
و من اعمالكم سلط عليكم ابنها بخل عليها زيك بالظبط هتفتكر كدة طبعا ...
لو من النوع الحشري اوي اشتري دماغك بدل ما تتصل
بجوزك تعرف كل كبيرة و صغيرة حصلت الحقي كلميها
انتي كدة عالصبح و انتي لسة بتفتحي عينك قوليلها شوية
اخبار مالهاش تلاتة لازمة من عينه احنا اصحاب
و بحكيلك اللي مش بقوله لماما و الله يا طنط ...
هتفتكر انها عرفت التايهة و انك هابلة و مطلعة اسرار بيتك كلها برة في حضنها ...
لو من النوع الغيور اوي دي اللي كل ما تشوفكوا كويسين
يتخرق دمها و قلبها تعمل بتقع تعبانة تصغط علي طقم سنانها تكسره ... كل ما تتجمعي معاها انتي و جوزها اشتكي مر الشكوي ان شالله في
تليفون كدة و كدة قال يعني واقفة بتفصفصي مع صاحبتك في البلكونة
و اياكي تعامليه كويس قدامها و لو عملك هو حركة كويسة رديها
بابتسامة صفرا تبرد قلبها و تهدا ان الدنيا بينكوا
مولعة كدة كدة مش ناقصة غيرتها علي ابنها يعني ....
كل ما تسمعي عن اكلم مش بتحبها و تبقي هتعزميها متعمليش
غيرها و كتري منها و علشان المتظر قدام جوزك تبقي عاملة
حاجة تانية حلوة اوي و علي اخر وقت و هما برة و انتي
بتحضري السفرة قوليله اتحرقت غصب عني ....
دي شوية افكار لمحاربة قوي الشر الخارجية و الكامنه ورا اي جوازة
مافيش مانع بقي اننا نقول الواجب مع نفس الحمي الجبارة او اي حمي غيرها ...
لازم تزوريها يوم ما تتعب و تساعديها لو احتاجتك في يوم في عزومة و لا مشوارلو سافرت خللي بالك من حماكي و لو جوزك عنده
اخوات صغيرين حضريلها حاجة جاهزة في التلاجة
لاول يومين لما ترجع من السفر و انتي عارفة انها بتبقي تعبانة و مش هتقدر تعمل حاجة
اسبقي بالتهنئة في اي مناسبة او عيد و سبقي بالواجب ...ولادك لازم يروحوا يشوفوا جدتهم و لو فيه منها قلق يبقي نص ساعة و انتي فوق دماغهم ...
حاولي دايما تسبقي بالكلمة و الفعل الكويسين في الاوقات
اللي هي مش بتتحول فيها لطائر الرخ و تحط عليكي ...
بس انتي بقي اختاري اللي ينفعك و يعنيك و طبقيه بطريقتك
المصدر:مواقع ومنتديات
